Informe Anual da Cultura en Santiago de Compostela 2018

Esta mañá presentamos no Pazo de Raxoi o primeiro Informe Anual da Cultura en Santiago de Compostela (2018), una exhaustiva compilación de datos estatísticos sobre a cultura municipal, ao que se engade unha consulta a 322 axentes socioculturais para coñecer a súa opinión sobre a saúde cultural do noso concello.

Foron meses de arduo traballo e dedicación exclusiva, ademáis dun verdadeiro reto profesional ao non existir publicacións similares noutras ciudades galegas e mesmo na contorna estatal.

O seguinte paso será que a información se actualice periódicamente e que así a capital de Galicia se consolide como un referente en canto a rigor, transparencia e profesionalidade na elaboración das políticas culturais.

Con enorme ledicia comparto agora o documento con todas vós. Agardo que vos interese.

(*) Desde aquí o noso recoñecemento á figura de Xan Bouzada, pioneiro, predecesor e mestre neste campo de análise.

 

Para ver a publicación completa, preme aquí: Informe Anual da Cultura en Santiago 2018

Advertisements

Festa do Banquete de Conxo 2019

6

En fase de recuperación logo de meses dedicados ao deseño e organización da Festa do Banquete 2019.

Teremos que seguir mellorando en futuras edicións pero por agora os resultados son moi satisfactorios. Segundo a prensa incrementouse a afluencia de persoas nun 50% a respecto de 2018. Con todo, para min o máis importante desta vez foi ensanchar a base social da Festa, coa participación da veciñanza dos barrios do Castiñeiriño, Pontepedriña e Santa Marta – A Choupana. E sobre todo as cariñas de emoción e felicidade de nenas e nenos durante “O Pequeno Banquete”, tanto na representación teatral como na gravación do videoclip musical (graciñas aos Quinquilláns e á Banda da Loba por iso).

Maior participación veciñal e maior orientación didáctica para a infancia e a mocidade son dúas claves para a sustentabilidade da Festa.

O meu recoñecemento ao equipo técnico do Concello de Santiago, e en particular a Xulio Noia, director do Centro Cívico de Conxo e un compañeiro como hai poucos (por certo, o que se fixo no karaoke, queda no karaoke, nada de circular vídeos).

Xornadas de Mediación Cultural

Dun tempo a esta parte as/os profesionais da cultura falamos cada vez máis da “mediación cultural” como un enfoque ou unha ferramenta imprescindible para o noso traballo. Con todo, a que nos estamos a referir? É dicir, dada a disparidade de ámbitos nos que se aplica, estamos a pensar todas/os no mesmo? Ten un significado claro e unívoco?

Ao longo dos vindeiros meses coordinarei para o Consello da Cultura Galega un ciclo de catro xornadas nas que abordaremos esta temática desde catro ángulos distintos:

  • Unha primeira centrada nas fórmulas de participación cidadá en cultura, e como estas foron evoluíndo nos últimos anos;
  • unha segunda dedicada ás novas tecnoloxías e aos soportes dixitais, na medida en que están a condicionar decisivamente as formas de creación e consumo;
  • unha terceira máis orientada á xeración e fidelización de públicos, e que garda relación coas técnicas de elaboración de relato e deseño de experiencias;
  • e unha última sesión que se interroga sobre o papel da prensa e dos medios convencionais na creación de espazos de comunicación cultural, cuestión especialmente sensible para comunidades como a galega, con lingua e cultura propia.

A primeira das sesión celebrouse o pasado martes, 9 de abril de 2019, e xa se poden consultar íntegros os seus contidos nos seguintes vídeos:

Tamén vos podedes aproximar ao significado e aplicación da mediación cultural a través da seguinte entrevista que me concederon na Radio Galega:

Podcast ‘Diario cultural’ das 14:45

Agardo que vos interese! 🙂

Palestra em Santa Maria da Feira

46959749_2446215272060102_4444844474761216000_o

O 23 de Novembro fomos convidados a equipa de BenCuriosa (Sergio Lago e Marcos Lorenzo) a palestrar no I Seminário de Intercâmbio de Experiências no Âmbito da Cultura, que se celebrou em Santa Maria da Feira, baixo a organização do Eixo Atlântico (link). Falamos da cooperação público – privada em cultura e a receptividade dos parceiros portugueses foi ótima. Estivemos acompanhados por representantes das Câmaras Municipais do Porto, Braga, Guimarães, Vilanova de Famalicão e Viana do Castelo, para além do Concelho galego de Vilagarcía de Arousa.

Muito obrigado às amigas e amigos do sul pelo convite, em especial ao Carlos Martins e à Diana Lima, e esperamos um próximo reencontro. Podem ampliar informação na seguinte ligação:

https://www.eixoatlantico.com/pt/noticias/esportes/3541-o-eixo-celebra-em-santa-maria-da-feria-o-i-seminario-de-intercambio-de-experiencias-no-ambito-da-cultura

Xornada de Políticas Culturais

O pasado 13 de novembro participei nunhas xornada de reflexión sobre as políticas culturais en Galicia, organizada pola Asociación Galega de Profesionais da Xestión Cultural, e celebrada na Cidade da Cultura de Galicia.

Nesta ligazón podedes ver íntegra a miña intervención xunto á do meu compañeiro de mesa Jorge Linheira. Moi agradecido á AGPXC polo convite e a Agar Ledo pola heroica presentación 🙂