Como medir a participación cultural da cidadanía?

O pasado 19 de xaneiro de 2021 puiden manter unha conversa con Montse Tort e Assumpta Manils, do Institut de Cultura de Barcelona, e con Hakan Casares, do Observatorio da Cultura Galega, sobre análise de datos culturais e como as estatísticas reflicten (ou non) a participación cultural da cidadanía. Esta conversa formou parte das xornadas “Participación e públicos culturais en tempos da Covid-19”, organizada polo Consello da Cultura Galega e coordinada por Sergio Lago.

Déixovos o link á sesión completa:

Cultura e sustentabilidade: conversa con Lluís Bonet

No marco das xornadas en liña “Futuros presentes: conversas sobre cultura e sustentabilidade” que oragnizamos desde o Consello da Cultura Galega entre o 9 e o 12 de febreiro de 2021 tiven a oportunidade de escoitar e conversar co mestre Lluís Bonet, director da área de posgraos en xestión cultural da Universitat de Barcelona. Non é fácil definir un marco teórico que comprenda o triángulo entre cultura, economía e sustentabilidade, pero grazas á solvencia intelectual de Bonet, a cousa foi tomando forma 🙂

Deixo aquí a ligazón á sesión completa:

Intervención no Parlamento de Galicia

O pasado venres 27/11/2020 comparecín no Parlamento de Galicia, convidado pola Comisión para a Reactivación Económica, Social e Cultural logo da pandemia da Covid-19. Durante a miña intervención analicei a evolución do sistema cultural galego na última década e sinalei unha batería de propostas para a súa mellora sustentable.

Moitas grazas ás deputadas e deputados presentes pola súa calurosa acollida. Polo ben da cultura galega, deséxolles o maior dos acertos no seu cometido.

Podedes ver a comparecencia completa premendo nesta imaxe: